陸陸雞煲火鍋 (已結業)

今日同個朋友行旺角波鞋街（花園街）買波鞋，這條街真是所有波鞋款式都集中在此。買到戰利品後，當然係時候要醫下個肚，朋友仔提意去白布街搵食，花園街行過去都好近，一到達街口已見不少食肆，原來呢度係一邊美食街，中、西、日式及甜品都有得選擇，真是令人選擇困難症發作。朋友仔話好耐冇食雞煲，就去了「陸陸雞煲火鍋店」，我哋好早入座，很幸運好快就有位，店內裝修精緻，牆身佈置得很特別，座位也很寬敞舒適。我哋就點了「陸陸雞煲火鍋海鮮套餐」，因為呢個套餐已經有雞煲，同埋有海鮮火鍋，超級豐富，都只係$298一位。首先侍應會上一煲「陸陸雞煲」，一打開雞煲麻香味直接湧入鼻，入口又不會太辣，仍能保持著雞的味道，而配料有紫洋蔥、青椒、辣椒、芫荽、大蔥、香芹，令整個雞煲嘢味提升。吃完雞煲後侍應會幫你換一個新的湯底，就係龍蝦湯底、湯底有原隻大龍蝦，加上有番茄粟米等，個湯已經鮮味十足。而火鍋配料有鮑魚、帶子、貴妃蚌、廣島蠔、超大聖子、蜆、海蝦、魚片、蟹。每樣海鮮都很新鮮，加上賣相一流，真是性價比高。除了海鮮以外，也有頂級牛肩胛片、豬肉片、手打蝦丸、手打墨魚丸、手打豬肉丸、魚皮餃、雲吞、水餃、白菜豬肉餃、自家炸響鈴、炸魚皮、菇