樺輝記 (已結業)

同男友夜晚經開荃灣一帶，見呢間餐廳好光猛，入面乾淨企理，裝修都唔錯，咁啱都想食下小炒類，就入去試試佢~ 🧡鮮甜卜卜蜆煲（$140）卜卜蜆肥美鮮嫩，多汁爽口又無沙，煲入面加咗金針菜、蒜蓉、辣椒等，非常惹味！🧡鐵板黑椒牛柳（$128）上枱時鐵板熱辣辣炸炸聲，牛柳肉質軟淋，配菜嘅雞脾菇水潤多汁，超正！🧡樺輝記小炒皇（$98）鑊氣十足，材料豐富，有韭菜、魷魚、腰果、芋絲、蝦乾等！ 🧡酥烤蠔餅（$88）蠔餅即叫即炸唔厚粒，咬落香脆，蠔肉足料大大粒又無腥味，配埋魚露食非常唔錯！