汀汀烤活魚 (已結業)

前幾日就同朋友去咗近旺角東嘅呢間烤魚食晚餐，我哋都好鍾意食呢類型嘅嘢，呢一間都滿足到我哋嘅食慾。我哋叫咗老壇子酸菜魚$268，佢係新鮮將魚肉片起，魚骨部份亦都會油炸俾我哋食，酸菜魚嘅味道都好惹味，叫咗微辣到啱啱好，魚片份量唔少，好嫩滑。食呢啲一定要加紅薯粉，而另外我哋都有加唔同嘅配料例如牛柏葉，萵筍，響鈴，薯仔等等。舖頭亦都有串燒可以叫，我哋都試咗唔少，有川味燒韭菜，必食鮮魚卜，汁燒雞腎，燒雞軟骨。價錢都合理嘅，但略嫌太鹹。