影片
更多
2017-04-19
926 瀏覽
同老公一齊放假，知道尖沙咀新開左間ＧＵ，梗係要去朝下聖，掃下貨啦！掃完貨肚餓添，原來早餐淨係食左個包，梗係要食返啲好嘢嚟慰勞下自己啦！老公以前食過一間德國餐廳，佢話個豬手認真一流，咁啱美麗華商場入邊就有呢一間德國餐廳，熱愛豬手嘅我梗係要入去試吓啦！老公超級鍾意食農夫包，話點都要食返個喎，咁我就陪佢食一份，叫咗個牛肝菌醬配芝士醬，從來對任何麵包都冇好感嘅我，食完呢個包覺得真係好好食喎！外脆內軟，再加埋個醬真係好好食，唔怪得老公咁鍾意食農夫包，死都話要嗌一份嚟食啦！下午茶時間有happy hour，有其中三款嘅德國啤酒都係＄30一杯，仲要係500毫升，超級抵呀！一款係生啤，一款係麥啤，另一款係黑啤，我哋叫咗一杯麥啤同埋一杯黑啤，兩款都唔錯，入口好香嘅麥味，黑啤亦都好滑口到最後要介紹返個主角啦，就係個脆皮德國豬手！店員帶埋一個高腳枱埋嚟，介紹返呢個係我哋嗌嘅豬手，然後再喺我哋側邊表演切豬手，切完之後仲擺到好靚咁放返係我哋張枱上面，豬手仲可以點普通芥末同埋蜜糖芥茉醬，一定要讚一讚個蜜糖芥茉醬，有磨成一粒粒嘅蜜糖芥末籽係入面，口感好好啊！除咗豬手，仲配有酸菜同埋有薯條，兩個人食都可能食唔晒呀！豬
掃完貨肚餓添，原來早餐淨係食左個包，梗係要食返啲好嘢嚟慰勞下自己啦！老公以前食過一間德國餐廳，佢話個豬手認真一流，咁啱美麗華商場入邊就有呢一間德國餐廳，熱愛豬手嘅我梗係要入去試吓啦！
老公超級鍾意食農夫包，話點都要食返個喎，咁我就陪佢食一份，叫咗個牛肝菌醬配芝士醬，從來對任何麵包都冇好感嘅我，食完呢個包覺得真係好好食喎！外脆內軟，再加埋個醬真係好好食，唔怪得老公咁鍾意食農夫包，死都話要嗌一份嚟食啦！
下午茶時間有happy hour，有其中三款嘅德國啤酒都係＄30一杯，仲要係500毫升，超級抵呀！
一款係生啤，一款係麥啤，另一款係黑啤，我哋叫咗一杯麥啤同埋一杯黑啤，兩款都唔錯，入口好香嘅麥味，黑啤亦都好滑口
到最後要介紹返個主角啦，就係個脆皮德國豬手！店員帶埋一個高腳枱埋嚟，介紹返呢個係我哋嗌嘅豬手，然後再喺我哋側邊表演切豬手，切完之後仲擺到好靚咁放返係我哋張枱上面，豬手仲可以點普通芥末同埋蜜糖芥茉醬，一定要讚一讚個蜜糖芥茉醬，有磨成一粒粒嘅蜜糖芥末籽係入面，口感好好啊！除咗豬手，仲配有酸菜同埋有薯條，兩個人食都可能食唔晒呀！豬手好脆，名副其實嘅皮脆肉嫩，忍唔住一件又一件咁擺入口！
順帶一提，當我叫店員俾個茄汁我嘅時候，店員唧咗個哈哈笑落隻碟度俾我，感覺好warm好開心，令到我有好想再去幫襯佢嘅感覺，嘢食好味，店員親切有禮，絕對係抓得住個客嘅胃亦都抓得住每位食客嘅心！一定會再來幫襯！
張貼
