影片
更多
2024-07-18
382 瀏覽
尖沙咀呢間泰國餐廳裝修充滿泰式風情，環境都幾舒適。晚餐時間都幾full，好在我地book左枱。我地叫左芒果札肉米紙卷、泰式肉碎生菜包、青咖喱海鮮配手抓餅同泰式鮮蝦金邊粉。首先講下個米紙卷先，米紙卷包左生菜、紅蘿蔔絲、青瓜、札肉、芒果，呢個配搭又幾夾，味道清新又有芒果嘅甜味，蘸上辛辣嘅柚子醬汁，酸酸甜甜又辣辣地嘅味道真係勁開胃😋😋泰式肉碎生菜包係每次食泰國菜必點❤️肉碎加左金不換、辣椒、洋蔥、炸蒜炒到勁香勁惹味，用生菜包住食就唔會覺得油膩☺️至於金邊粉就非常足料，除左有爽口彈牙嘅鮮蝦，仲加入雞蛋、韭菜、菜莆、蝦米，滴番幾滴青檸汁，撈埋花生碎同糖、辣椒粉，味道層次豐富，非常惹味😝最後叫多個青咖喱海鮮配手抓餅，青咖喱唔會太辣，有青口、蜆、魷魚、蔬菜，食材都夠多元化，配酥脆嘅手抓餅食真係滋味無窮😍飲品叫左菠蘿沙冰同芒果沙冰，消暑解辣一流另外，餐廳做緊2人同行消費滿300蚊送火焰泰式燒春雞，真係好抵食👍🏻👍🏻
我地叫左芒果札肉米紙卷、泰式肉碎生菜包、青咖喱海鮮配手抓餅同泰式鮮蝦金邊粉。首先講下個米紙卷先，米紙卷包左生菜、紅蘿蔔絲、青瓜、札肉、芒果，呢個配搭又幾夾，味道清新又有芒果嘅甜味，蘸上辛辣嘅柚子醬汁，酸酸甜甜又辣辣地嘅味道真係勁開胃😋😋
泰式肉碎生菜包係每次食泰國菜必點❤️肉碎加左金不換、辣椒、洋蔥、炸蒜炒到勁香勁惹味，用生菜包住食就唔會覺得油膩☺️
至於金邊粉就非常足料，除左有爽口彈牙嘅鮮蝦，仲加入雞蛋、韭菜、菜莆、蝦米，滴番幾滴青檸汁，撈埋花生碎同糖、辣椒粉，味道層次豐富，非常惹味😝
最後叫多個青咖喱海鮮配手抓餅，青咖喱唔會太辣，有青口、蜆、魷魚、蔬菜，食材都夠多元化，配酥脆嘅手抓餅食真係滋味無窮😍
飲品叫左菠蘿沙冰同芒果沙冰，消暑解辣一流
另外，餐廳做緊2人同行消費滿300蚊送火焰泰式燒春雞，真係好抵食👍🏻👍🏻
張貼
