Ros Jad Thai Restaurant

營業中

休息中

午飯時間，本想食甜記餃子，但人太多，唔想等位，行過2步，有間新開店，有我去泰國必食的打拋飯，即管試下餐廳細細，泰式設計，坐到約20人吧。我攪不清是我個人太熱，還是餐廳冷氣調較為環保度數，坐下來感覺不太夠冷氣。望望餐牌，Wow.價錢偏貴，84蚊一個打拋飯，飲品另計，收呢個價，唔通特別好食？試下。點了經典打拋飯+pandan coco water(34蚊）食物上枱，賣相不錯，粗粗的濃邊蛋蓋在白飯上，肉碎量不少，配有九層塔香味，有辣度，咸香惹味，送飯之選，但對我而言，肉碎整體味道雖惹味，但略為過咸，係一定要配飯食。至於CoCo water，有pandan 香味，不過甜，清涼好飲，讚👍🏻我埋單離場時見前面枱2位靚女食曬白飯和隻蛋，但卻剩下一半肉碎，不知是太飽？太咸？還是太辣🤔如果掛住泰國的打拋飯，可以係度止下口癮。