川婆婆 (寶勒巷) (已結業)

依排又係d落雨濕濕嘅日子，搞到我好想去食辣野，今次就去左位於尖沙咀寶勒巷嘅川婆婆食串串火鍋。任食100分鍾串串鍋有三個set揀，今次我地叫左b set新鮮農場靚牛串串套餐，入面包左牛頸脊/牛小排/伊比利亞黑毛豬肋條3揀1、辣雞煲同海鮮我依d牛魔王就緊係揀牛頸脊同牛小排啦，湯底就揀左茶底麻辣鍋配養生菌王雞湯。- 茶底麻辣鍋配養生菌王雞湯非常特別，因為係茶底所以好有茶香，但同時配合到麻辣嘅味道，兩者唔會遮到大家嘅味道，食落好惹味，而養生菌王雞湯用湯料充足，湯底菇味香濃，而且雞肉嘅味道都能落晒去湯到，所以飲落清甜味香，好鬼正，未食野都飲左佢半煲湯😋😋-雞煲雞肉嫰滑，醬汁香濃而且辣度岩岩好同埋杰身，所以每舊雞都掛到汁，食落非常惹味！而且食完後，拎走個煲會比鐵板去做烤肉，爽呀！-牛頸脊同牛小排2隻都係靚野，油脂分佈好好，食落牛味濃，而且唔會話韌，正呀-海鮮佢包左鮑魚、蝦、蜆等，樣樣食新鮮，係養生菌王雞湯到煮，一流呀-自助吧有串串、籠仔食物拎，蔬菜、肉類、醬汁多達幾十樣可以揀，飲品仲要係玻璃裝汽水、茶類等等整體黎講，餐廳食物種類多，而且質素都好，岩晒一班食辣人士食飽飽