川味香

營業中

休息中

經過紅磡，見到有間食川味串燒嘅小店，就走入去試下。入面超多食物選擇，有串燒、燒烤、小炒、同埋粉麵主食等。我今次order咗燒原條鮮魷魚、燒紐西蘭羊架兩份、鹽燒大海蝦六隻、一條司華力腸，另外點咗重慶酸辣紅薯粉加墨魚丸。魷魚燒得好juicy好有鮮味，而且保留魷魚嘅口感 ，感覺一流。另外燒羊架值得推介，燒得啱啱好剛剛熟，加咗川味辣粉，羊架一啲都唔騷，係必食之選。海蝦因為經過燒烤，既有蝦嘅鮮味，亦有BBQ嘅惹味冇得頂! 司華力腸就大大條腸啖啖肉，鍾意食肉類嘅朋友一定會鍾意。酸辣紅薯粉就酸酸辣辣好開胃，紅薯粉亦都好QQ，連埋墨魚丸食食到停唔到口。我見好多人買外賣，下次有機會我都會買d串燒外賣返屋企同屋企人食。