影片
更多
2022-09-12
27 瀏覽
男友唔食得辣嘢，好多時就佢唔食，不過太耐冇食，佢今日轉死性話想食吓辣野，咁我就去間想試好耐既辛手村。餐廳在每晚9點30會調校燈光，改變成酒吧形象，仲有水煙提供添。首先叫d串燒試吓，有一兩款少少辣，當俾佢熱下身。川燒厚切牛舌心非常之厚，3件，食落好爽口, 爽得來不韌。川燒經典豬頸肉有少少辣，食落惹味，咬入口好有質感，唔會嚡。京蔥厚燒五花肉一樣厚又大件，肥肉入口即溶，超甘香，勁邪惡，連同京蔥一齊食，特別香。川燒翠玉瓜冇乜特別，口感軟硬適中，正常發揮。日式燒鰻魚燒得幾好味，外皮香脆，魚油肥美，冇幼骨，不過每件略細。我平時唔鍾意食鰻魚都覺得幾好味。磯燒菠蘿3件菠蘿，好juicy，香甜。估你唔到麻辣黑松露干鍋食完熱身，到主菜，本身打算叫BB 辣，不過另一半話可以試試小辣，咁就點左個小辣。麻辣黑松露口味是餐廳自家創。上枱之後，好香麻辣黑松露味，真係色香味俱全，外觀好豐富。我哋點左肥牛、豬頸肉、魚豆腐同金針菇，每款份量都好多，而且仲有蓮藕片，入落爽口，另外仲有薯仔條好粉嫩，超好食。味道方面，我見都有唔少花椒、辣椒，辣油。再配合黑松露，中西合璧，味道又香帶辣，用嚟佐飯一流，每樣都入晒味，食落真係冇得頂
男友唔食得辣嘢，好多時就佢唔食，不過太耐冇食，佢今日轉死性話想食吓辣野，咁我就去間想試好耐既辛手村。餐廳在每晚9點30會調校燈光，改變成酒吧形象，仲有水煙提供添。
首先叫d串燒試吓，有一兩款少少辣，當俾佢熱下身。
川燒厚切牛舌心
非常之厚，3件，食落好爽口, 爽得來不韌。
川燒經典豬頸肉
有少少辣，食落惹味，咬入口好有質感，唔會嚡。
京蔥厚燒五花肉
一樣厚又大件，肥肉入口即溶，超甘香，勁邪惡，連同京蔥一齊食，特別香。
川燒翠玉瓜
冇乜特別，口感軟硬適中，正常發揮。
日式燒鰻魚
燒得幾好味，外皮香脆，魚油肥美，冇幼骨，不過每件略細。我平時唔鍾意食鰻魚都覺得幾好味。
磯燒菠蘿
3件菠蘿，好juicy，香甜。
估你唔到麻辣黑松露干鍋
食完熱身，到主菜，本身打算叫BB 辣，不過另一半話可以試試小辣，咁就點左個小辣。
麻辣黑松露口味是餐廳自家創。
上枱之後，好香麻辣黑松露味，真係色香味俱全，外觀好豐富。我哋點左肥牛、豬頸肉、魚豆腐同金針菇，每款份量都好多，而且仲有蓮藕片，入落爽口，另外仲有薯仔條好粉嫩，超好食。
味道方面，我見都有唔少花椒、辣椒，辣油。再配合黑松露，中西合璧，味道又香帶辣，用嚟佐飯一流，每樣都入晒味，食落真係冇得頂，魚豆腐最好味，充分吸到干鍋既麻辣味。
雖然小辣，不過都唔小嘢，叫左2杯凍飲，一杯鳳梨烏龍冰茶、一杯巨峰梳打share 飲，巨峰梳打唔會太甜，未到正正常常。反而鳳梨烏龍都幾有驚喜，烏龍茶味道清香，加上鳳梨的香甜，絕對係解辣既良品。
最後，還有甜品，係柚子冰粉，都幾爽口，Q彈，唔係好似啫喱咁易散，柚子味道好清新，食完辣嘢食最適合不過。如果冰粉再凍啲，就Perfect。
張貼
