紅磡冰室 (已結業)

之前有位在尖沙咀工作的朋友介紹紅磡冰室，話裡面的餐大件夾抵食，於是今日中午約埋幾位朋友去試一試。果然，它的午餐和快餐只不過五十元左右，我地點了咖哩豬肶飯、欖菜肉碎炒飯、豬頸肉炒公仔麵和快餐叉燒通，碟頭份量比正常茶餐廳大，兩位細食的女士可能share 一個飯都夠。幾個餐當中，比較突出的是欖菜肉碎炒飯和豬頸肉炒公仔麵，欖菜肉碎炒飯用了不少欖菜，味道可口，而且炒得乾身，不油膩，十分正，至於豬頸肉炒公仔麵調味好，而且多豬頸肉，鑊氣十足，難怪午飯時間有咁多人排隊等住入去食。