十三少 (已結業)

呢排天氣悶熱又潮濕，搞到個人無晒胃口，朋友提議去食川菜辣醒醒胃！十三少酸菜魚 (唔辣)有辣有唔辣，任君選擇。揀咗唔辣，魚片白雪雪，入口滑嫰，酸菜吸盡魚湯精華清爽鮮美。乾煸四季豆香氣十足，咸香惹味夠香口，好啱送飯！乾煸肥腸肥腸香辣夠味，口感彈軟唔韌，食落又辣又麻好香口，一食就停唔到口 。麻辣小龍蝦醬汁濃郁，小龍蝦殼薄肉嫩飽滿，食落鮮味又有彈性，除咗辣之外，又麻又香，麻嘅口感同香味層次都把握得好好，惹味又有層次感，令人回味！