喜聚燒 (已結業)

在尖沙咀寶勒巷既喜聚燒食飯，menu好多特式串燒，仲有85折， 叫了麻辣滋補鮮烏雞， 因為有半價，醬汁味道幾惹味，好索汁，烏雞件肥美多肉，肉質夠嫩滑，味道有麻香微辣，洋葱好夠甜又清爽。燒貴妃蚌，肉嫩多汁夠鮮，無沙幾乾淨， 好香蒜蓉味，幾好食。串燒類會有熱石盛住，保持温度，幾貼心。鹽燒翠玉瓜，大大件翠玉瓜，鹽燒夠清新，翠玉瓜清爽帶甜！沙嗲燒賣，沙嗲汁好入味，燒賣質地幾軟糯，夾埋沙嗲汁好出色，外層燒過帶脆口。金菇肥牛卷，燒汁好香，肥牛卷燒得剛好，唔會過老。整體幾好食。