我要烤魚串燒烤魚專門店 (已結業)

烤魚就係大陸好出名，但係我地唔想番大陸咁遠又想食烤魚，我地就去左旺角既呢間烤魚+串燒店，一次過係香港可以食到曬大陸既名物😆酸辣金湯酸菜烤清江魚 （$298）呢度有4款烤魚口味揀，我地就揀左金湯酸菜魚，魚就有兩條選擇，我地揀左清江魚，特點係口感嫩滑，油香十足，烤魚雖然有骨，但係好易揀出黎，唔鐘意食有骨魚既都唔怕，條魚唔同階段食會唔同感覺，初初食d皮未浸太耐，有d脆口，到煮耐左條魚就好入味，同埋愈煮愈辣，幾過癮，而條魚本身有豆卜，萵筍金菇做配菜，相當豐富🐟手切封門牛柳 （$48）封門柳既牛味會濃d，肉質比肥牛韌，$48幾抵食🥩響鈴 （$20）響鈴$20真抵食，索d烤魚湯黎食好正😋串燒🍢🍢🍢🍢孜然燒雞翼 （$16）一串雞翼係有兩隻，我地叫左兩串，孜然粉好夠，上枱時已經聞到好香🐥新疆羊肉串 （$20）羊肉串既羊味都幾濃，果種羊羶味正到，鐘意食羊一定要叫呢串🐑孜然燒韭菜 （$16）燒得岩岩好，唔會太乾，有D舖頭會燒到D葉濃曬，呢度既孜然味入曬韭菜裡面，好惹味🥬陀地燒茄子 （$32）茄子勁大條，鋪滿曬蒜蓉醬，辣辣地咁，勁邪惡🍆黃金饅頭 （$20）呢個炸饅頭最緊要趁熱食，炸得外脆內軟，點d煉奶食超正