影片
更多
2024-05-25
81 瀏覽
我同男朋友逢星期六都會喺屋企玩吓煮飯仔👩🏻🍳我哋會去唔同地方買食材返屋企煮~呢日就去荃灣入貨😚因為我遲咗起身嘅關係🙈所以我哋去到已經成12點幾，決定睇吓邊間餐廳有位就坐低食~見到荃新天地二期有個一門町市場，係一堆餐廳+cafe嘅集中地入到去發現都幾多人吓😳有啲餐廳排晒長龍咁我哋就搵咗唔洗排咁耐嘅東京街食吓之前住過土瓜灣，都幫襯過土瓜灣分店嘅外賣壽司~質素相比起其他外賣壽司店嚟講都好啲今次目標係堂食速食速走去買餸🙈唔算太肚餓嘅我哋揀咗忌廉咖喱唐揚雞丼🍛同埋壽司定食🍣咖喱飯嘅蛋係好滑（睇相都睇到冇花冇假🙌🏻）啲炸雞都算幾脆幾juicy，如果個咖喱可以再濃味啲會更理想~壽司嚟講，個人覺得帶子係最鮮甜北寄貝都幾有咬口，有微甜而甜蝦🦐都唔錯，色澤幾靚✨而呢個定食嘅其他壽司包括有希靈魚、油甘魚、八爪魚、三文魚、吞拿魚、鯛魚同埋加州卷就中規中矩，正常發揮呢度turnover rate都幾高，唔洗點等，大家都係快食快走，趕時間嘅人可以考慮，結果我哋30分鐘都唔洗就食完走人去買餸
我哋會去唔同地方買食材返屋企煮~
呢日就去荃灣入貨😚
因為我遲咗起身嘅關係🙈所以我哋去到已經成12點幾，決定睇吓邊間餐廳有位就坐低食~
見到荃新天地二期有個一門町市場，係一堆餐廳+cafe嘅集中地
入到去發現都幾多人吓😳有啲餐廳排晒長龍
咁我哋就搵咗唔洗排咁耐嘅東京街食吓
之前住過土瓜灣，都幫襯過土瓜灣分店嘅外賣壽司~質素相比起其他外賣壽司店嚟講都好啲
今次目標係堂食速食速走去買餸🙈
唔算太肚餓嘅我哋揀咗忌廉咖喱唐揚雞丼🍛
同埋壽司定食🍣咖喱飯嘅蛋係好滑（睇相都睇到冇花冇假🙌🏻）
啲炸雞都算幾脆幾juicy，如果個咖喱可以再濃味啲會更理想~
壽司嚟講，個人覺得帶子係最鮮甜
北寄貝都幾有咬口，有微甜
而甜蝦🦐都唔錯，色澤幾靚✨
而呢個定食嘅其他壽司包括有希靈魚、油甘魚、八爪魚、三文魚、吞拿魚、鯛魚同埋加州卷就中規中矩，正常發揮
呢度turnover rate都幾高，唔洗點等，大家都係快食快走，趕時間嘅人可以考慮，結果我哋30分鐘都唔洗就食完走人去買餸
張貼
