你妳 (已結業)

今晚突然想試下呢間吐司，心動不如行動，咁就去買啦，去到又想試呢樣又想試嗰樣。。反正一份都唔夠食，就決定買一份咸，一份甜😬🍞芋泥白兔糖麻糬吐司$48見到張大白兔糖紙已經好有回憶，拿拿聲影低佢就食🤤芋泥香甜，白兔糖麻糬不是煙靭嗰種，都係腍既，好香奶味，夾埋食奶香芋泥又不會太甜，幾好味，多士有烘底，不過我外賣返到家已經唔脆了，吐司邊比較硬。🥪自選吐司$46呢個可選肉、配菜同醬汁，我選了鐵板牛肉、肉鬆，醬汁選原味美奶滋。牛肉好香不過唔多，配搭得幾好味，多謝自己😌生菜蕃茄新鮮，成份熱烘烘，即食應該更好味😋下次要去荃灣堂食試下。最後2份食清光，感覺有啲滯😮‍💨