串得起串燒專門店 (已結業)

第一次寫食評，首先，請各位多多指教！第一間要寫既食評，就係呢間《串得起》。　每次想食串燒，即使住九龍，但都仍然會走入去吊腳到不得了既大圍食。皆因本人鍾意食串燒，　但係出面大部份串燒都加入大量香料，永遠都會蓋過晒食物本身既鮮味；而《串得起》係我最岩我胃口的！不過，只限於有大把時間，又可以等既時候先可以食。等位時間唔多，但係等食時間真係無乜耐性都唔掂。　網燒豬扖甘耐以來，第一次食網燒豬扖，算不過不失。唔硬，有肉汁　燒雞中翼同平時出面既差唔多，唔算好突出　燒黑椒牛仔骨 讚！燒黑椒牛仔骨！平常既黑椒往往太辣，食唔出本身既肉味。今次第一次喺度食燒黑椒牛仔骨，又有肉汁又有足夠既辣味！下次必食！　燒雞軟骨　燒雞皮　燒司華力腸 讚！ 燒雞軟骨！脆既雞軟骨！ 讚！ 燒雞皮！薯片感覺得黎唔會太乾，咬兩口會有雞油味！燒司華力腸，不過不失　燒豬大腸本人接受唔到豬大腸個種獨特味道。不過咀叼男友話：正！　燒芝士丸　燒日本帆立貝　燒八爪魚丸　燒墨魚丸 讚！燒芝士丸！芝士流出黎的，加埋脆脆地既外皮，必食之選！　燒超甜粟米: )讚！ 燒超甜粟米！唔洗多講，呢款個個讚不絕口！　燒蜜糖菠蘿 讚！ 燒蜜糖菠蘿！亦都係必食之選