影片
更多
2020-11-05
567 瀏覽
同男朋友慶祝紀念日，所以我就叫佢搵一間好啲嘅餐廳同我慶祝，冇諗過佢搵到一個咁浪漫又可以望住夜景飲酒嘅地方，全晚都覺得好開心。因為天氣有啲凍，所以我哋就選擇咗喺餐廳入邊食完先，再上去天台望住個海景飲酒。一開始餐廳就俾咗啲餐包我哋，亦都有佢哋自家製嘅番茄醬，食落去番茄味好重但係又唔會好甜，食唔夠嘅話啲麵包仲可以不斷refill添！之後我哋個set可以選擇兩款湯，我就選擇咗clam chowder，入面嘅蜆肉都幾大隻，而且個湯好濃郁，但係又唔會好膩。之後我哋個set亦都有一個crab cake，入面嘅蟹肉好多，旁邊亦都有啲青檸或者醬汁可以俾我加埋一齊嚟食，啲蟹肉亦都好新鮮。上面亦都有啲脆脆，食落口口感多咗一個層次！之後當然唔少我哋嘅主食啦！我就嗌左個Lamb Sirloin，呢個係我第一次食，首先佢嘅羊肉一啲蘇味都冇，而且煮得啱啱好，唔會好難咬，上面呢脆物食落口都好夾，而且隔離嘅薯仔、紫薯、蕃茄仔都係有用心烹調過，除咗有肉之外，亦都可以食下啲澱粉質，成個感覺會好飽肚！男朋友梗係食rib eye steak啦！佢嗰個steak叫咗medium rare，香港好難得搵到真係煮得啱啱好嘅肉眼，而且
因為天氣有啲凍，所以我哋就選擇咗喺餐廳入邊食完先，再上去天台望住個海景飲酒。一開始餐廳就俾咗啲餐包我哋，亦都有佢哋自家製嘅番茄醬，食落去番茄味好重但係又唔會好甜，食唔夠嘅話啲麵包仲可以不斷refill添！
之後我哋個set可以選擇兩款湯，我就選擇咗clam chowder，入面嘅蜆肉都幾大隻，而且個湯好濃郁，但係又唔會好膩。
之後我哋個set亦都有一個crab cake，入面嘅蟹肉好多，旁邊亦都有啲青檸或者醬汁可以俾我加埋一齊嚟食，啲蟹肉亦都好新鮮。上面亦都有啲脆脆，食落口口感多咗一個層次！
之後當然唔少我哋嘅主食啦！我就嗌左個Lamb Sirloin，呢個係我第一次食，首先佢嘅羊肉一啲蘇味都冇，而且煮得啱啱好，唔會好難咬，上面呢脆物食落口都好夾，而且隔離嘅薯仔、紫薯、蕃茄仔都係有用心烹調過，除咗有肉之外，亦都可以食下啲澱粉質，成個感覺會好飽肚！
男朋友梗係食rib eye steak啦！佢嗰個steak叫咗medium rare，香港好難得搵到真係煮得啱啱好嘅肉眼，而且醬汁都調得啱啱好，唔會好鹹，薯仔亦都有用心咁樣去處理過，覺得味道唔夠嘅話亦都可以加佢哋嘅燒汁。
最後我哋仲有甜品添！！甜品我就揀咗佢哋自家製嘅Tiramisu，我就覺得非常之好食啦，佢每一層都有唔同嘅口感，而且食得出cream係好新鮮，唔係放咗好耐嗰種！
最後最後嘅重頭戲梗係上黎望住個夜景飲酒啦！！本來我哋淨係諗住飲一兩杯酒就算，但原來男朋友上嚟之前已經睇過，餐廳推出左一個餐飲嘅優惠，唔使$200就可以飲三杯指定嘅餐飲，咁我就唔使同男朋友爭黎爭去啦🤣喺餐廳食完野之後一定要上佢哋露天酒吧睇吓個夜景、享受下佢哋嘅靚酒！！而且由4點開到12點添㗎！！全晚真係食到好開心！
張貼
