品穀

營業中

休息中

本來係因為睇左毛記諗住支持一下小店，今日去到門口見有人龍都替佢地開心。但排左一輪到食埋個包有以下睇法:人多要喺門口排隊，合理 (如隔離澳牛); 面包焗緊無現貨要等，都合理; 但如果店內無客而又有部分貨品，喺無問人要咩嘅情況下要人喺門口食風呢就有啲唔合理，如果我要嗰隻包本身新鮮出爐就因為我喺出面等左半個鐘所以凍左 😑。當然排隊買嗰個心甘命抵都無得好講，但喺鋪頭裡面無客嘅情況下阻住條街攪到隔離大廈啲老人家出入唔方便就唔係咁好。包，係足料嘅，價錢值唔值呢啲就好個人所以唔評論。會唔會再幫襯呢就好睇以上情況有無改善。