西香記 (已結業)

不久前聽聞呢間舖專做西安美食，一直想試下肉夾饃同牛肉拉麵，終於今日假日得閒，約了男友同去一試。間舖較狹長，入去就係收銀台，order同取餐都係呢度。落埋金牌肉夾饃套餐同牛肉拉麵，十幾分鐘就有得取餐，賣相尚可。1. 牛肉麵：湯底略淡，不比正宗蘭州拉麵的香濃；麵的份量OK，我正減肥，6分飽就夠；干切牛肉著實一般，干而無味，肥瘦比例過瘦使然；2. 肉夾饃：肉餡調味OK，入口頗香，可惜饃失手，做得太干。回憶10幾年前我同男友在西安路邊嚐到的juicy豬肉、魚肉夾饃，滿口留香，回味無窮。如今幸有西香記可以解饞，卻也只是隔靴搔癢般不夠酣暢痛快！