影片
更多
2010-05-15
4 瀏覽
是晚一早約左朋友食飯，一直遲遲未決定去邊食，最後就諗不如去cwb搵間cafe坐下啦。前一日先訂位，hit the road同另一間想去既都俾人包左場，之後就選擇左呢間打黎問下有無位，好彩佢話有，電話入面既老闆(??)都好有禮貌呢。佢既位置唔算好難搵，不過唔係正正對住大街的，上到去覺得環境唔錯，真係有好多畫掛左係牆身而且都幾靚。地方算幾乾淨闊絡，見佢另外仲有間房，可以自成一角添。坐低之後看看menu，發現價錢都唔係好貴，係普通價錢，如果cwb黎講比起幾多地方相對算平。食物都有好多選擇，小食，burger，pizza，意粉，飯等等都一應俱全。我們最初叫了兩個意粉，先到的是牛油檸檬汁煙三文魚扁意粉，賣相整得唔錯，好企理。意粉食落好滑，軟硬度適中唔會太淋，而且幾濃牛油味，非常香下。香草味加上酸酸地既檸檬汁都非常夾，味道不錯呢。另一個係廚師推介煙肉磨菇意大利麵，呢個食落幾重蒜香，非常入味。幾多煙肉但相反磨菇就唔係好覺，兩碟意粉都幾多露筍，味道清清地有時可以中和返個蒜味。雖然佢價錢幾平，但相對份量唔算好大，兩個食完都唔係好夠飽，所以決定再叫個小食食下。最後我們選擇了醬汁燒豬頸肉，開初我們以為這個份
佢既位置唔算好難搵，不過唔係正正對住大街的，上到去覺得環境唔錯，真係有好多畫掛左係牆身而且都幾靚。地方算幾乾淨闊絡，見佢另外仲有間房，可以自成一角添。坐低之後看看menu，發現價錢都唔係好貴，係普通價錢，如果cwb黎講比起幾多地方相對算平。食物都有好多選擇，小食，burger，pizza，意粉，飯等等都一應俱全。
我們最初叫了兩個意粉，先到的是牛油檸檬汁煙三文魚扁意粉，賣相整得唔錯，好企理。意粉食落好滑，軟硬度適中唔會太淋，而且幾濃牛油味，非常香下。香草味加上酸酸地既檸檬汁都非常夾，味道不錯呢。另一個係廚師推介煙肉磨菇意大利麵，呢個食落幾重蒜香，非常入味。幾多煙肉但相反磨菇就唔係好覺，兩碟意粉都幾多露筍，味道清清地有時可以中和返個蒜味。
雖然佢價錢幾平，但相對份量唔算好大，兩個食完都唔係好夠飽，所以決定再叫個小食食下。最後我們選擇了醬汁燒豬頸肉，開初我們以為這個份量應該不會很多，但黎到又覺得比想像中的多，吃畢這個就差不多了。豬頸肉個邊邊燒得好脆卜卜，咬落去有肉汁，加埋佢個醬汁幾香所以都幾好食。
原本我們想叫一件CHEESE CAKE SHARE，我們選了原味Cheese cake，但老闆說其實熱情果的更好吃，最後他送了一件給我們吃呢，未免太好人了吧!!!! 給果我地兩件可以一人一半兩隻味都試哂!!! 原味cheese cake相對就較普通，都幾香芝士味，熱情果就相對甜甜酸酸咁，味道較突出。兩件cake既餅底都係偏軟左少少，如果硬身返dd同厚返dd相信應該更好食，不過老闆咁好人已經好感激!!!
飲品我們分別叫了抹茶咖啡同蜂蜜雪梨紅茶，沒有試過朋友的咖啡，蜂蜜雪梨紅茶都唔錯，因為我想飲一D比較潤喉既飲品，飲落幾清甜幾香雪梨味，仲要有粒粒雪梨肉咬落爽口感覺幾得意，都可以一試呢~
這裡的服務真的很好，撇除他送我們的CAKE外，外面升降機壞了會提醒我地叫我地可以慢慢坐下唔駛急，而且佢地全部都好人又好禮貌，加水都好頻密，是一個好地方呢~~ 我們在這裡慢慢的消耗了兩個多小時，食物環境皆不錯，是一個好地方，會想再來的。=)
張貼
