樹屋泰菜 (已搬遷) 新店位置

已經唔知幾次回頭食樹屋，每次係旺角諗唔到食咩都會黎，因為成日都好掛住呢到既清邁香葉雞煲同香葉肉碎炒飯，雞煲勁惹味，大量既檸檬葉去煮，雞肉件件都超嫩又足料！香葉肉碎炒飯第一次食都好驚喜，好有鑊氣，九層塔好香，成個飯都好有鑊氣好香！燒魚燒得又香又嫩滑又大條，加埋個汁係絕配！咖哩蟹粉配多士，蟹粉份量多到加點一份多士都食唔哂！咖哩味唔會太辣又夠香，諗起都流哂口水！