仁沙洞

營業中

休息中

事隔幾年再幫襯，服務態度同食物質素都差左好多，短短一個鐘既用膳時間，已經見好幾單投訴同爭執，亦留意到仁沙洞老闆既態度係何其惡劣。其中有一枱客人等左成個鐘淨係得杯飲品，同伙計講又無人跟進，嬲到去收銀處俾返杯飲品錢就走，點知個老闆惡人先告狀，要佢地埋左成張單，客人同佢理論，連伙計都認出左錯，無上到菜，老闆繼續充耳不聞，不斷發爛渣，明明枱客人野都無食，白等左左成個鐘，已經俾左飲品錢，仲鬧到佢地好似食左霸王餐咁。老闆對住外賣員態度一樣咁差，不斷呼呼喝喝，人地都係打份工啫。成間餐廳基本上變到淨係做外賣生意，堂食客人等待時間長，而且食物質素同味道中下，價錢偏貴。我叫左牛肋骨湯，$78得兩小塊肉，無味既湯，仲俾漏配菜同醬汁，唔問伙計都無。好彩我無其他客人咁慘，貼錢買難受，幫襯仁沙洞不了。