金滿堂甜品

營業中

休息中

今晚同朋友喺九龍灣食完飯之後，就諗住食個飯後甜品，九龍灣嘅甜品舖選擇不多，不外乎松記，就是金滿堂。朋友最後選擇嚟到金滿堂食甜品，一嚟到都一如以往咁多人排隊，跟住我同朋友兩人攞籌兼選擇甜品落單 。店舖好細，眼見好多人排緊隊等入座，就諗住慢慢揀，加上選擇困難症又發作，最後揀咗幾分鐘終於揀好咗。 到落單嗰下原來已經入得，我唔小心講咗句：噢！乜原來入得喇？其中一位男店員就好似串串貢回應我： 係呀，等你好耐。心諗駛唔駛咁嘅態度甜品雖然OK， 但影響咗我食甜品嘅心情。