Elixir (已結業)

呢間嘢人冇禮貌好多人講，實情係完全達到老粗程度，態度差到呼喝黑面，如果你嚇一跳，佢哋會再反眼比你睇，總之要無禮貌、惡到徹底，茶記伙記都好過佢地好多。之前幫襯過，已經見到佢地對啲客串串貢、非常惡。客人被呼喝唔高興，佢哋等人一走即刻爆哂粗唔停鬧足幾分鐘，勁過街市婆。如果唔係平時去開附近嗰幾間冇位，根本唔會再幫襯。點知今次終於到我。係呢區咁惡、咁恐怖嘅僅此呢間。咖啡又唔係得，區內競爭又大，呢種自殺式嘅惡，真係要避之則吉。如果諗住靜靜坐下傾下計，唔想唔知幾時做左佢地覺得你錯到必須大駡嘅事，而落得被街市式謾罵，最好去附近其他咖啡店，個幾條街大把，要搵多間咁惡嘅真係冇乜可能。如果係都要幫襯，最好同佢哋練下英文，見過佢地聽到英文即刻唔識串