影片
更多
2015-01-26
904 瀏覽
嚟呢間食肆食點心, 會想起明星“王俊棠”, 原本由惡人角色的形象, 變了卡拉OK之星, 之後睇佢做惡人角色都不其然地想笑出來. 另一位, 個”惡樣”同佢有得揮既: 成奎安, 一演過笑片之後, 無得翻轉頭, 再做回惡人角色, 見到佢都會不其然地笑了出來, 可惜已經過身.通常幫襯開中港城的分店, 次次滿意, 但這間則略有不同. 先來香片, 正常味道, 正常濃度, 茶壺也正常地”不正常”, 一路倒茶, 一路漏落張檯度…. 真係唔明, 點解十間酒樓, 九間既茶壺都係會咁!? 而無漏既其中一間, 就九成九只係加了個膠套口, 其實…可唔可以係設計上做好些少呢? 中國式設計既嘢就係咁半桶水…. 無得救…豉汁排骨飯, $24, 無鳳爪, 唔太高興. 加了些少豆角, 排骨尚好, 骨與肉分配平均, 肥與瘦各佔八二分, 肉質佳, 飯物軟硬適中, 用細形鐵飯碗, 份量偏少.蝦餃皇, $9/隻, 兩隻起, 大粒品種. 上檯時的模樣, 兩隻漿在一起, 已經小心翼翼地將它們分開, 仍然皮爛餡掉, 不過也無太大所謂, 因為內裡沒有汁. 皮的煙韌度明顯不足, 否則分開時不會易破. 內餡不是全隻的蝦, 但爽脆度不錯, 而
嚟呢間食肆食點心, 會想起明星“王俊棠”, 原本由惡人角色的形象, 變了卡拉OK之星, 之後睇佢做惡人角色都不其然地想笑出來. 另一位, 個”惡樣”同佢有得揮既: 成奎安, 一演過笑片之後, 無得翻轉頭, 再做回惡人角色, 見到佢都會不其然地笑了出來, 可惜已經過身.
通常幫襯開中港城的分店, 次次滿意, 但這間則略有不同. 先來香片, 正常味道, 正常濃度, 茶壺也正常地”不正常”, 一路倒茶, 一路漏落張檯度…. 真係唔明, 點解十間酒樓, 九間既茶壺都係會咁!? 而無漏既其中一間, 就九成九只係加了個膠套口, 其實…可唔可以係設計上做好些少呢? 中國式設計既嘢就係咁半桶水…. 無得救…
豉汁排骨飯, $24, 無鳳爪, 唔太高興. 加了些少豆角, 排骨尚好, 骨與肉分配平均, 肥與瘦各佔八二分, 肉質佳, 飯物軟硬適中, 用細形鐵飯碗, 份量偏少.
蝦餃皇, $9/隻, 兩隻起, 大粒品種. 上檯時的模樣, 兩隻漿在一起, 已經小心翼翼地將它們分開, 仍然皮爛餡掉, 不過也無太大所謂, 因為內裡沒有汁. 皮的煙韌度明顯不足, 否則分開時不會易破.
內餡不是全隻的蝦, 但爽脆度不錯, 而無蝦味則是正常過正常, 如果閤下搵到間咁上下價格而蝦餃有蝦味既食肆, 勞煩通知細佬一聲….
唔辣既辣椒油, 要請教吓點樣可以做得到, 啱晒家中位女士, 佢鐘意食唔辣既辣椒油, 無咖哩味既咖哩, 還有, 唔鹹既鹹魚….
張貼
