皇茶 (已結業)

食過返尋味指數：🌕🌕🌕🌕🌑 平時行旺角多，係大大H&M對面條街全本都係飲品舖，琳瑯滿目。不過條街太逼太多人，所以我從來都冇買過。咁啱有間舖頭超正咁避開左條街，開左係市場另一邊，冇咁逼，休休閒閒。舖頭裝修同埋播放嘅音樂都好有情懷，而且好難得嘅係，飲野嘅舖頭有地方比客人好休閒咁享受。店家好用心，每一張凳上面都有鋪一層軟布，坐耐左都唔會痛。店長好 nice 好熱情。奶蓋啤酒同爆谷奶茶都好正。主要係D奶蓋好滑同香濃，鹹鹹地唔覺得太漏。好得意嘅係，奶蓋同啤酒冇違和感，而且覺得好特別。鹹鹹嘅奶蓋同甜甜嘅爆谷相得益彰。