抹茶館 (荷里活廣場) (已結業)

話就今日係一年一度嘅情人節，老公返工，但我又想食好少少，所以帶咗一對仔女嚟抹茶館食午餐。【芝士蕃茄烏冬】媽媽至愛，每次嚟親都一定要食，配埋雞肉，仲有濃濃芝士味，食極都唔覺得厭。【溫泉蛋卡邦尼烏冬】小朋友至愛，一定離不開卡邦尼，配埋溫泉蛋，阿囡都大叫「正」，而且味道唔會好濃，小朋友食都唔怕漏。【玉子燒】我對仔女真係堅鐘意食，午餐可以用$12加配價叫小食，仲有其他唔同款小食，$12/2件，抵呀！【熱柚子茶】午餐會跟餐飲，呢款加$4就可以飲到，甜甜地，小朋友都飲得！【朱古力曲奇牛奶抹茶】平時飲開朱古力曲奇咖啡，但嚟到呢到，點可以唔飲抹茶？因為我怕苦，所以叫上面有 Cream 或 有雪糕球嘅，攪拌後就唔會覺得抹茶嗰陣苦味太勁。如果叫呢類餐牌特飲，就可以係正價減$10。總結：好滿足嘅一餐午餐，埋單$220，係有啲貴，不過一年一次情人所，食好啲大家又開心啲。