影片
更多
2004-02-15
11 瀏覽
情人節都諗住黎呢度食，但因為情人節SET要$1288/兩位，但係情人節前夕(13/2)只係收平日價，所以預早一日慶祝，慳D錢﹗嘻嘻~第一次食私房菜，我地兩個都好緊張，好期待，好彩都無令我地失望~環境：一入到去覺得個環境好靚，好浪漫…佢有三間房，好彩我地幾個星期前已經訂定，所以可以坐房，但因為都多人，係要兩Pair一間所，但佢都好細心咁有個屏風狀物體隔一隔，所以好滿意。仲有就個廁所好靚呀﹗食物：麵包-好鬆軟，熱辣辣，好味﹗Appetizer-焗蠔好大隻，又有薯茸墊底，好正﹗而個鵝肝好香，煎得剛剛好，仲有舊菠蘿墊底，好好味啊﹗湯-海鮮濃湯真係好海鮮同好濃，男朋友好鍾意…而我個鵪鶉清湯都唔係好清，好濃味，我都好鍾意…Sorbet-Lime Sorbet好香，清一清，正﹗主菜-酥皮羊真係好羶，因為我唔食羊，所以麻麻，但男朋友就話好正，但個酥皮好好好好味啊﹗而我個小牛肘就真係幾好味，剛剛好，正﹗甜品-chocolate pudding好好味，朱古力味濃，正﹗creme brulee都唔錯，幾滑﹗總括黎講，全餐都好好食，全部清碟，所以飽到不得了﹗服務：細心得不得了：1) 每個菜都有充足時間享受，其
第一次食私房菜，我地兩個都好緊張，好期待，好彩都無令我地失望~
環境：
一入到去覺得個環境好靚，好浪漫…佢有三間房，好彩我地幾個星期前已經訂定，所以可以坐房，但因為都多人，係要兩Pair一間所，但佢都好細心咁有個屏風狀物體隔一隔，所以好滿意。
仲有就個廁所好靚呀﹗
食物：
麵包-好鬆軟，熱辣辣，好味﹗
Appetizer-焗蠔好大隻，又有薯茸墊底，好正﹗而個鵝肝好香，煎得剛剛好，仲有舊菠蘿墊底，好好味啊﹗
湯-海鮮濃湯真係好海鮮同好濃，男朋友好鍾意…而我個鵪鶉清湯都唔係好清，好濃味，我都好鍾意…
Sorbet-Lime Sorbet好香，清一清，正﹗
主菜-酥皮羊真係好羶，因為我唔食羊，所以麻麻，但男朋友就話好正，但個酥皮好好好好味啊﹗而我個小牛肘就真係幾好味，剛剛好，正﹗
甜品-chocolate pudding好好味，朱古力味濃，正﹗creme brulee都唔錯，幾滑﹗
總括黎講，全餐都好好食，全部清碟，所以飽到不得了﹗
服務：
細心得不得了：
1) 每個菜都有充足時間享受，其餘時間唔會入黎打擾我地。(如果好肚餓或者食得好快0既人可能會嫌佢起菜慢~)
2) 起菜時我唔小心跌左條餐紙巾，點知個女仔轉頭真係俾番條新0既我~
3) 另一pair比我地早走，所以食完甜品時成間房得我地一pair，佢就俾左個類似門鐘0既物體我地，話有事可以按鐘搵佢地，跟住就關埋度門俾我地二人世界，真周到﹗
總括黎講，我對佢真係有讚無彈咁滯，埋單七百有找，慶祝情人節，一試私房菜裝修同美食，真係抵到爛﹗(當然正日價錢就唔係咁講啦~)所以如果唔係節日，e.g.生日或者週年紀念，都係一個值得推介0既選擇﹗
張貼