竜王居酒屋 (已結業)

今日去左北角探朋友，順便同佢係附近搵嘢食，見到哩間新開既居酒屋好似唔錯，於是就入去試下。居酒屋既環境舒適，座位之間有一定既距離，值得一讚既係每個座位都加上軟墊，所以坐得好舒服。除左餐牌上面既固定選擇之外，居酒屋每日都會有唔同既時令推介，食材由日本直送。🎈真鯛薄切配海膽 $108 （兩件）海膽份量好多，真鯛新鮮爽口。🎈日本海膽流心忌廉餅 $68忌廉餅表皮炸得酥脆，咬開裏面既海膽忌廉呈流心狀態，而且非常creamy，海膽味濃，另配柚子醋沙律。🎈竜王卷 $108卷物用一條青龍形狀既碟裝住，好有氣勢😆真係勁啱打卡📷而卷物配料豐富，有滿滿既吞拿魚茸、爽脆既青瓜絲、大大隻炸蝦、新鮮既蟹籽同三文魚籽，壽司飯已經加上醬油，食落好夠味，所以唔洗再額外調味，卷物份量好多，非常抵食！🎈佐賀名水豚白湯烏冬 $128因為用左竹炭既關係，所以烏冬呈灰色，烏冬係扁烏冬，比較幼身，湯底係豬骨濃湯，煮至奶白色，而豚肉既份量一啲都唔少。整體黎講，哩間居酒屋既環境相當舒適，食物亦唔錯，好啱同朋友一齊黎食嘢傾偈。