薄荷葉泰國菜

營業中

休息中

今日去了元朗大會堂睇完表演，行到附近見到呢間泰國菜館幾有情調，好似泰國街頭嘅小店，所以就同朋友決定係呢度食晚餐。打開餐牌，發現原來菜館係用自己種既香料來煮餸菜，所以未叫餸菜已好期待。首先梗係揀我最鍾意既冬蔭公湯，個湯配料好多，有兩隻大蝦、辣到適中，而且有好香椰汁味，好開胃。甜柚鮮蝦，上碟時個賣相好靚，好有層次感，見到已經食慾大增，甜柚肉同大蝦都好新鮮，再加上有好多芽菜，食落爽口，加上少少酸既汁，好好味。肉碎生菜包，份量好足，碎肉多汁，又辣又惹味，生菜好新鮮，包肉碎吃好juicy。然後係今晚嘅重點，咖喱大蝦，再配薄餅四件，大蝦炸完後好香脆，再加上咖喱汁好香好濃味，而薄餅上碟時擺到好似朵花咁，很有心思，侍應教我地撕鬆d薄餅再點咖喱汁會好味d,果然真係入味d，好鍾意個薄餅比較乾身，唔會太油膩加埋咖喱汁，果然係絕配。再食埋個馬拉盞炒椰菜苗，很惹味。飲品方面，我地試左Yakult Mix,益力多加Corona Extra,都幾特別、幾fresh。餐廳座得幾舒服，店員親切，餸菜質素很好，很滿足的一餐。