影片
更多
2021-08-31
745 瀏覽
最近收到朋友報料，話喺旺角山東街嗰間樓上 Café「90s Lazy」，於觀塘成業街開了家新分店，問我何有興趣一試。據知餐廳係由一群 90 後嘅兄弟幫開設，新店裝潢以木色系為主調，店內設計注入了大自然元素，牆身上掛了不少綠色植物，非常養眼，配上闊落嘅座位和簡約嘅佈置，感清新舒服，充滿文青 feel！店舖主打西日 fusion 菜，食物選擇都幾豐富， 漢堡包、扒類、全日早餐、Pasta、意大利飯、沙律、香口小食等，樣樣有齊。先嚟一客墨西哥雞肉烤餅 ($72) 薄餅外層烤得很香口，皮層柔韌，入面嘅餡料非常飽滿，雞肉大件得嚟又夠嫩滑，調校得好惹味，就算唔點醬汁食都已經很滋味！蒜香蜆肉意大利粉 ($108)，蜆肉份量不少，入口帶陣陣蒜香，嫩甜無沙。意粉煮得啱啱好，質地夠晒 Al Dente，爽口煙韌，加上翠肉瓜、菇菌、蕃茄等配菜，更顯清新味美，非常讚啊！期待的香煎三文魚扒 ($178) 壓軸送上，魚皮煎得非常香口，咬下脆卜卜，最難得的是魚肉依然保持嫩滑，且份量慷慨。魚扒下面墊了薯仔、紅蘿蔔、蕃茄和翠玉瓜等，有營又健康。呢餐食得好滿意，由服務以至食物都好有水準，值得推薦！
最近收到朋友報料，話喺旺角山東街嗰間樓上 Café「90s Lazy」，於觀塘成業街開了家新分店，問我何有興趣一試。
據知餐廳係由一群 90 後嘅兄弟幫開設，新店裝潢以木色系為主調，店內設計注入了大自然元素，牆身上掛了不少綠色植物，非常養眼，配上闊落嘅座位和簡約嘅佈置，感清新舒服，充滿文青 feel！
店舖主打西日 fusion 菜，食物選擇都幾豐富， 漢堡包、扒類、全日早餐、Pasta、意大利飯、沙律、香口小食等，樣樣有齊。
先嚟一客墨西哥雞肉烤餅 ($72) 薄餅外層烤得很香口，皮層柔韌，入面嘅餡料非常飽滿，雞肉大件得嚟又夠嫩滑，調校得好惹味，就算唔點醬汁食都已經很滋味！
蒜香蜆肉意大利粉 ($108)，蜆肉份量不少，入口帶陣陣蒜香，嫩甜無沙。意粉煮得啱啱好，質地夠晒 Al Dente，爽口煙韌，加上翠肉瓜、菇菌、蕃茄等配菜，更顯清新味美，非常讚啊！
期待的香煎三文魚扒 ($178) 壓軸送上，魚皮煎得非常香口，咬下脆卜卜，最難得的是魚肉依然保持嫩滑，且份量慷慨。魚扒下面墊了薯仔、紅蘿蔔、蕃茄和翠玉瓜等，有營又健康。
呢餐食得好滿意，由服務以至食物都好有水準，值得推薦！
張貼
