廿一由八 (已結業)

觀塘而家真係好多cafe仔，梗有一間喺左近。今日同朋友黎試下呢間廿一由八，原來個名係拆開既黃字。餐廳環境好靚，簡約質樸，佢有一邊係做workshop同埋賣傢具，食野位置唔多，全木製嘅家具裝潢好有質感。餐牌選擇唔多，set lunch得三款揀，我地點左軟殼蟹芝士扁意粉同埋西班牙辣肉腸茄汁長通粉。個餐包左餐飲同埋沙律。沙律菜都幾新鮮。個軟殻蟹都幾特別，表面焗到好鬆脆，feta cheese味好濃。西班牙辣肉腸好食，不過略嫌料唔夠多，茄醬亦唔太夠味。身為大胃王嘅我叫多個side dish，三文魚藜麥蕃薯餅，呢碟好有驚喜。蕃薯餅煎得脆，加埋藜麥好有口感，個汁甜甜酸酸，有啲好似果肉咁嘅點綴，我地麵食晒。呢餐埋單一人$150，唔錯，如果多啲選擇會更好。