旺泰特食 (已結業)

約左朋友食飯, LUNCH又唔知食咩好, 想人少少就想到來西貢呢間食左幾次都好滿意, 友人一想話去西貢就諗起佢先來一客西柚沙律, 好食, 西柚好甜, 好開胃我叫左個椰青, 都幾甜^^, 另外叫左個軟殼蟹咖哩包, 基本上次次來都會食佢, 好味都無得頂!大家食果陣唔好怕麻煩, 用手撕開個包點D 咖哩食, 真係人間享受~女仔飯局, 點會無菜, 呢個椰菜苗出面好少有, (即係自己煮唔到) 咁出街食一定要食啦口痕之選,叫多個串燒, 都好惹味~~又傾又講都食左2個中, 閒日無咩人無人趕, 食完又再去行下西貢, 一樂也~