LITTLE HIDE CAFE by Pillowtalk (已結業)

Yoho附近又有新Cafe開左，咁順路梗係要去試下，地點原來在獸醫同單車舖旁，記得呢個位之前都係開cafe。店面細細原來入面都幾多枱，用上純白木系裝修，仲有天然光，好似置身户外咁。食品同飲品選擇同一般咖啡廳差不多，而小店只有一個廚，一位咖啡師同一位店員，就不要太心急，好好享受下慢活😌⭐香草醬煙三文魚意粉用上大量的橄欖油煮成的，十分香口，意粉有咬口，煙三文魚鹹香，簡單又好味。⭐Light Breakfast 輕量版全日早餐，酸種包配上蕃茄沙沙，沙律菜爽脆新鮮，仲有勁滑的炒蛋🥚⭐Mocha凍的朱古力咖啡，味道平衡，有啡香又有朱古力甜美，濃郁好飲。⭐Latte 熱latte有靚靚拉花，奶泡厚身香滑，啡香不苦澀，高質靚啡☕小店無加一，客人早上不多，可以慢慢坐嘆下啡。