KRIS Kitchen (已結業)

身處黃大仙，反正時間充足，可以悠閒食過午餐。其實一條友食，也沒有太多要求，隨便的找家餐廳，便是。見呢度的午餐，$35起，好便宜，進去了。柯打了五寶飯，不是燒味的五寶，而是煎蛋、火腿、餐肉、司華力腸，同埋煙肉。一時唔記得叫太陽蛋，結果是煎得全熟的，這不關人家的事。司華力腸，唔知係咪刻意唔切開晒，三片連埋一舊，點解唔一片片的切好佢? 火腿起碼煎過，不會凍冰冰咁，煙肉也沒有太乾硬，算OK了。凍檸檬茶，比較甜，我倒是沒所謂，但一般人未必會接受到。塞住耳朵聽著歌，看著路人來來往往，很喜歡這股悠悠然的感覺。