為食龍 (已結業)

聽聞SOHO開咗間好有特色嘅日本餐廳“為食龍”🦖，以恐龍、落地玻璃及森林作設計主軸，型格得嚟又仿似置身侏羅紀，帶埋小朋友嚟就更開心！腐皮壽司嘅選擇多達十數款，選擇困難症人士表示好難做選擇。眼花繚亂之際，選擇咗：✨蟹膏甜蝦腐皮壽司($36)✨黑松露帶子腐皮壽司($38)首先腐皮味道清甜，加上圓潤飽滿嘅米飯，上層系鮮甜嘅刺身，大大件仲有爆餡效果，大滿足！蟹膏甜蝦甜鹹交錯，令人回味無窮。而黑松露嘅濃郁味道同帶子本身嘅清淡形成對比，入口多重口感。✨三文魚籽稻庭冷烏冬($158)話説我對熱烏冬毫無興趣，但系對冷烏冬卻情有獨鍾。哩碗三文魚籽冷烏冬煙韌彈牙有嚼口，加上三文魚籽粒粒在口中爆開，口感特別。