丸·茶手作 (葵涌廣場) (已結業)

今日喺葵廣掃街，口渴諗住買杯嘢飲解渴。 見到呢間丸茶手作新開張，諗住試吓，點知中晒伏。一拎到杯嘢真係呆咗，以為係嘔吐物拎返去問店員，佢話係因為我加咗珍珠，如果冇加珍珠唔係咁樣。但我真係唔敢飲，就問佢可唔可以再沖一杯，珍珠另上。佢叫咗另一個店員過嚟，佢望完之後就話正常，係咁。既然係咁我都唯有接受，試下飲。飲落係冇益力多味，又冇綠茶味，係杯好淡嘅糖水呢次簡直係可怕經歷，以後都唔會再飲呢間。如果真係飲品材料嘅combination令佢外型咁唔可觀，佢地唔應該拎嚟賣。