東京街日本料理 (西洋菜南街)

營業中

休息中

今晚去了始創買床上用品，之後就去附近搵食，見到這間東京街，有多款刺身及壽司等，價錢又合理，所以食左餐豐富的刺身晚餐。店員會送上麵豉湯，有些豆腐及紫菜。蟹子沙律的青瓜絲爽脆。先點了一個刺身拼盤，刺身全部厚切，非常大片。三文魚腩邊肥美重油脂。油甘魚肉質爽口。甜蝦脆口鮮甜。之後就叫了一些壽司。怪獸三文魚腩大片到完全蓋著飯團，飯團細細件，不怕食飯食飽，三文魚等於平時兩片有多，油脂豐富。黑椒三文魚油漬壽司帶些醬油味，加上略為火炙過，滲出油脂。怪獸芝士鰻魚亦都等於平時二至三件份量，鰻魚帶燒汁甜香，肉質厚且滑。油甘魚腩味道甘香。芝麻雞翼炸至金黃香脆。