影片
更多
2007-02-14
8 瀏覽
朋友多番推介，話呢間龜井幾好食，於是尋日13/2/2007同四個朋友一齊去食晚飯慶祝生日，結果係..."大失所望"！先講食物質素，壽司/刺身都幾好，其他燒/炒食物則只屬一般．最神奇係其中一碟炒麵，望落好似出o西煙熱辣辣o甘，但食落竟然只係暖暖地，感覺上好似只係番熱o左一陣，而唔係即炒即食，認真麻麻．至於服務方面...就更加麻麻．落單叫o野食，叫幾次都無人理，o的侍應行來行去望到你舉手都無個肯停低理你．上菜又超慢，三吹四請都無用，普通一客壽司都要等足超過30分鐘先至有得食．另外，明明叫赤貝刺身($50)，竟然又變o左赤貝壽司($22)，想話換啦，個侍應話價錢係一樣，無分別，依家只係比多兩o舊飯我o地，要換o既話都只係幫我o地拎走兩o舊飯．後尾我o地發現價錢係有好大分別(差成倍)，個侍應就話原先供應開o既赤貝無貨，依家只有呢隻價錢o既赤貝供應，所以壽司同刺身都係一樣，結果$50一碟兩件赤貝壽司．心諗，若果真係拎走埋兩o舊飯，得返兩片丁屎o甘細塊o既赤貝，邊個都唔會願意比$50食．最後到埋單，見到舖頭門口同收銀處大大個牌話用匯豐信用咭埋單有九折，點知個侍應話假期同假期前夕都無折扣優惠，我o地
先講食物質素，壽司/刺身都幾好，其他燒/炒食物則只屬一般．最神奇係其中一碟炒麵，望落好似出o西煙熱辣辣o甘，但食落竟然只係暖暖地，感覺上好似只係番熱o左一陣，而唔係即炒即食，認真麻麻．
至於服務方面...就更加麻麻．落單叫o野食，叫幾次都無人理，o的侍應行來行去望到你舉手都無個肯停低理你．上菜又超慢，三吹四請都無用，普通一客壽司都要等足超過30分鐘先至有得食．
另外，明明叫赤貝刺身($50)，竟然又變o左赤貝壽司($22)，想話換啦，個侍應話價錢係一樣，無分別，依家只係比多兩o舊飯我o地，要換o既話都只係幫我o地拎走兩o舊飯．後尾我o地發現價錢係有好大分別(差成倍)，個侍應就話原先供應開o既赤貝無貨，依家只有呢隻價錢o既赤貝供應，所以壽司同刺身都係一樣，結果$50一碟兩件赤貝壽司．心諗，若果真係拎走埋兩o舊飯，得返兩片丁屎o甘細塊o既赤貝，邊個都唔會願意比$50食．
最後到埋單，見到舖頭門口同收銀處大大個牌話用匯豐信用咭埋單有九折，點知個侍應話假期同假期前夕都無折扣優惠，我o地當時真係覺得超出奇，13/2同14/2兩日都唔係假期，你話情人節正日無優惠都算啦，竟然話情人節係節日假期，所以之前一日都無優惠，就實在好有問題．個侍應仲話係我o地自己無問清楚…簡直8+26 @#%&~ 話唔定o個o的咩兒童節呀…愚人節呀…婦女節呀…係唔係假日都好啦，任佢話有就有，無就無囉！既然係o甘，就唔好放個牌出o黎話有信用咭折扣優惠啦！
結論係：我絕對唔會再去幫襯．
張貼