八幡屋涮涮鍋 (已結業)

今日我又帶媽媽黎八幡食涮涮鍋！點解？因為呢度既野食實在太吸引同太好食！每次食完都念念不忘☺️我地叫左個D4套餐，全部任食之餘，而且仲有生蠔🦪同日本和牛🐮任食，仲要全日半價，直頭係抵都爛！你話點可以唔黎食🥰先講下肉類，無論豬🐽定牛🐮都非常滿意！豬豚肉肥而不膩，美國進口牛肉又嫩滑薄切！而最讚既一定係日本黑毛和牛A4！級數高之餘又矜貴，入口果然零舍不同！每口都充滿芳香既油脂，令人齒夾留香！配合埋個骨膠原豬骨湯底簡直一流😘海鮮同刺身🍣亦無得輸！有爽口彈牙既鮮鮑魚食之餘，仲有海量刺身比你食，好似三文魚，八爪魚，帶子等，全部新鮮無雪味，仲要鮮甜無比😍有得打邊爐點會無酒同甜品！呢度生啤🥂全部任飲，包你不醉無歸，仲有貴價既haagen dazs 雪糕🍨食！好滿足同好幸福🤩