滿屋日本料理 (大鴻輝(荃灣)中心) (已結業)

同朋友食放飯一定要揀放題，唔洗諗😂 不過係大鴻輝諗食咩都真係一嗰世紀大難題，今次去咗滿屋日本料理😛勝在坐位寬鬆，去放題嘅朋友仔應該都有遇過座位好迫，唔識嘅人同你貼得好埋，呢度完全冇咁嘅情況！講秘密都得✌🏻由朝頭早期待到夜晚，晏晝食咗好少嘢就係為咗佢😘 先講刺身，超出合格水平，放題呢個質素呢個價錢都真係算高質🥰壽司都係，佢唔會俾大大舊飯你，飯都係迷你為主😛特別推介係雪燕魚籽花之戀🤪到熟食方面大部份都係高質，一定一定一定覆食鹽燒牛舌😂，我自己都食咗4串😗😗甜品，大部份嘅放題店舖嘅比利時朱古力Häagen-Dazs都係無朱古力碎，cheap啲嗰隻！但呢到俾嘅係你係7–11買到嗰種！外面仲有雪米糍，有朱古力味、芒果味同埋綠茶紅豆味，個雪櫃好夠凍，起碼擺10分鐘先好食😂加分位⁃我食咁多間放題，呢間係有一罐罐熱飲😍⁃雪糕絕對冇馬虎⁃上野上得好快，收碟亦都好快⁃環境好闊落，唔會覺得迫，環境佈置得好有Halloween氣氛🎃⁃8:30後入座，openRice有折⁃牛舌真係好好味😋