俺流塩らーめん (MOSTown新港城中心(4期)) (已結業)

美食沙漠馬鞍山，呢間拉麵位於馬鞍山站B出口，新港城中心行1分鐘就到，去過幾次都唔使等位，直接入得，座位舒適寬敞，店內整潔，日式木系簡約風格裝修，每款拉麵大約六十幾至八十蚊左右，經濟實惠，基本上唔太大食一碗都夠飽，湯底好味，食完你唔會覺得好口渴係咁要飲水，麵質口感適中，另外仲可以優惠價加小食和飲品，例如：炸雞、餃子、汽水等……，不過我哋已經夠飽，所以沒有加了，簡簡單單一餐，每人幾十蚊搞掂，呢個價錢有呢個質素一啲都唔差，值得一試！