鶴崎居酒屋 (已結業)

見到裝修幾靚，又係試業期間，決定試下😋第一次去叫左個壽司套餐 ($108)，午市壽司套餐都有前菜，細烏冬，麵豉湯，餐飲。一上壽司set，出乎意料地有海膽，唔腥🧐 帶子好鮮甜，魚生幾厚切，舍利調味不錯，但有啲散。不過咁嘅價錢食到新鮮魚生+酸度正常嘅壽司已經好難得🤣另外朋友叫左個刺身套餐。📸影相時已經食左個海膽所以放左壽司套餐個海膽飯上去影相，刺身套餐係冇左啲飯。刺身每款兩件，厚切新鮮，但烏冬份量同壽司套餐一樣，想食少啲碳水化合物可以考慮一下刺身套餐。