九井食堂 (香港仔中心) (已結業)

去香港仔搵朋友後想食日本野，見到香港仔中心有好大個宣傳logo寫住九井，就入去試吓。餐廳入面好大，而且裝修都好有日本特色，因為肚餓關係我哋都叫咗好多嘢食😝首先想講講餐廳有個任飲吧，大熱天時嘆番幾杯都幾爽🥳我哋叫咗兩款小食，分別係炸紫菜魷魚同餃子雞翼，兩款都好唔錯，香口得嚟又唔會太油膩，食得出魷魚係新鮮炸起，紫菜又香，唔錯👍🏼我自己食火灸刺身飯，首先刺身肥美，經火燒後食落口更香，魚油味好足，好味道🤤同行者叫咗個海鮮飯，海膽唔腥又creamy，三文魚籽又好多，toro刺身同樣好新鮮無筋🤪我地仲叫多咗個牡丹蝦刺身，大隻得黎又甜蝦頭有膏，好味道🤤整體嚟講依度嘅水準好唔錯，性價比又高，下次經過都會再過嚟食！