燒夜食堂 (已結業)

其實宵夜食串燒真係一個好選擇，可以約埋三五知己一齊食，一邊食一邊傾計，飲下野，都幾relax☺️ 今次收工就去咗長沙灣新開嘅呢間日式串燒店 燒夜食堂 食宵夜！餐廳選擇嘅種類都唔少包括有冷盤小吃、炸物、串燒、拉麵同烏冬等等，任君選擇。除咗麵食之外，我哋樣樣都叫咗少少，成晚我覺得串燒同炸物係比較出色，特別係羊架同一口牛，肉質鮮嫩，非常juicy。炸物方面，個人最喜愛紅豆鯛魚燒同一口甜薯，前者炸到外皮好脆，紅豆餡軟身香甜，後者用上日本小甜薯，天然嘅甜味，細細隻一啖一個，超好食！整體來講，食物質素唔錯，每樣野都係廿零蚊左右，性價比高，不妨一試👌🏻