影片
更多
2017-11-22
2343 瀏覽
同屋企人影完畢業相，近近地book左一席親情宴。見價錢幾抵，一席2580（星期日）唔洗加一。 呢個價錢以為係傳統中式酒樓，冇expect到裝修好靚。入到去等多陣都開始上菜。乳豬成隻上，個皮燒得幾脆。D菜清清地，又唔會淡而冇味，又唔會太油，好岩食！碗仔翅好足料，唔洗淨係飲水～雞既皮好好味好脆！連平時唔食雞皮既表姐都忍唔住食左兩舊！D蝦炒得超入味～唔洗兩下就清哂條魚好大條，魚肉超級超級滑，蒸得岩岩好甩肉，呢個真係要比十個讚！未到e麵其實大家都飽飽地，諗住要打包，點知個e麵好好食！出面d酒樓成日整到又油又咸，但呢個完全冇呢d問題！（唔記得影相）最後個壽包真係好嘩然！好大個～個個都爭住同佢影相。入面係蓮蓉，兩個人share一個，食唔哂打包走。呢餐完全超出我預期，價錢亦十分合理。有機會會再黎食～
乳豬成隻上，個皮燒得幾脆。
D菜清清地，又唔會淡而冇味，又唔會太油，好岩食！
碗仔翅好足料，唔洗淨係飲水～
雞既皮好好味好脆！連平時唔食雞皮既表姐都忍唔住食左兩舊！
D蝦炒得超入味～唔洗兩下就清哂
條魚好大條，魚肉超級超級滑，蒸得岩岩好甩肉，呢個真係要比十個讚！
未到e麵其實大家都飽飽地，諗住要打包，點知個e麵好好食！出面d酒樓成日整到又油又咸，但呢個完全冇呢d問題！（唔記得影相）
最後個壽包真係好嘩然！好大個～個個都爭住同佢影相。入面係蓮蓉，兩個人share一個，食唔哂打包走。
呢餐完全超出我預期，價錢亦十分合理。有機會會再黎食～
張貼
