嘆住食 (已結業)

是咁的去完PMQ睇熊貓。中上環soho又太多人。search到呢間野就閃過黎食。係支路下面。真係除左街坊之外少新客。好處係又放到車又睇到車。啱啱有人走。汁完枱就有得坐。睇個menu。計黎計去唔太明set dinner個吸引位係邊。就咁叫個main。有湯或沙律跟。湯係甘筍。well。堅重甘荀味。交足貨最怕水滴滴咁。兩個main同時上。安排幾好唔洗"等埋你"先食。88蚊扒。係百物騰貴既今日。8安賣88蚊有咁既質素性價比好高。要medium出黎過曬火是基本的常識吧。好彩肉汁依然。肉味一般亦不能要求更高。抵讚係個presentation真係好好。意大利飯。飯底係唔錯嫁。要米心個一點微硬真係好抵讚。聽到隔離個太太話未熟呀。真係會心微笑。寫係唔記得蝦膏定蟹膏食落係唔多覺。巴馬神亦都唔多夠。蝦係預期的雪蝦。煎得幾香。有成3隻亦算慷慨。一百頭一客。性價比中上。環境方面。店面細。枱密。滿客時坐係邊位都覺嘈。加埋硬櫈。嘆住食不敢苟同。總結係揸車係呢頭諗唔到食乜可以一試。性價比高。要行條斜路就難免滴汗。