菊鮨 (已結業)

Lunch去左銅鑼灣新開嘅菊鮨食好西😋餐廳地方唔算大，但係座位唔逼坐得幾舒服，仲見到一間充滿日式風情嘅房仔！今次坐左bar檯，可以睇住師傅整，仲吹左幾句水😜午市套餐有超過10款選擇，好豐富！我揀左個特別啲嘅 Omakase Set🤩，只係$188好抵！有兩款刺身、六件壽司🍣、兩件卷物、細牛湯烏冬，仲有麵豉湯、沙律同茶碗蒸。刺身有厚切三文魚同北海道仙鳳趾生蠔🦪生蠔有淡淡嘅海水味，肉身肥厚，爽口甘甜😍壽司會視乎當日供應～ 厚切帶子同牡丹蝦好鮮甜，炙燒左口魚充滿油脂香，赤身口感結實，魚味濃郁😙湯烏冬上面嘅薄牛顏色粉嫩，油脂分佈平均，肉質嫩滑👍