天海家草庵 (已結業)

位置唔就腳, 不過因為想試就專登去。一定要book位, 舖細坐位少, 排walk in會好灰。一如其他品評, 男經理態度愛理不理咁樣, 另一樓面阿姐都好一般, 全舖樓面得2個人, 做到無停手, 你叫加茶, 都係應左你, 轉頭無左件事。講返食, 每個set都好吸引, 通常d人揀飯(可以任食), 我就揀烏冬, 相比飯係好味既, 日本米。而天婦羅係即炸, 落左order都要等20分鐘左右, 上菜熱辣辣, 又唔會油膩, 唔會成口粉將, 聞說唔同食材用唔同油溫炸, 值得試。