老川皇

營業中

休息中

黎到老川皇，梗係唔少得食辣喇，本人覺得佢既辣都算係正宗四川咪種辣，唔似得湖北果隻辣黎，猢辣比起川辣既分別係川辣有種後勁果隻麻，所以特別正。座位方面，十分之開揚，始終舖頭面積夠大，所以枱與台之間話有1.5米距離真係唔難，座枱仲有張紙隔一隔張枱，所以感覺都幾乾淨。燒雞皮，呢度既燒雞皮唔似出面咁，燒完出黎仲係好油，呢度就係收乾曬d油，同食落好脆好香。燒雞翼，外皮好脆，內裏仲保留住唔少肉汁，加埋d辣椒粉仲調味，真係一流。主角方面就係烤魚，呢隻魚魚骨好少，而且就算有都炸到好脆，好容易咬到，好似多春魚d骨咁，辣既程度就岩岩好，唔會太辣蓋住左魚既鮮味，又唔會唔辣變得唔好食。另外，好推介大家叫杯椰汁黎解解難，食落就岩岩好。